180,000 police officers, officials to be deployed

Kakomwa nebo ngecheret eng kipagengeitab lewenisiet nebo IEBC Wafula Chebukati kole chobot kipagengeinoto kosuldaen lewenisiet ne o nenyonei eng oret netogunot eng mwaet kole monyoru koyweisiet anan ko komuiset kobun chi agetugul.

Kangololi Chebukati eng tuiyet nekaiyum stakeholders cheterter asi kongalalen kotinygei ak chobchinetabgei nebo lewenisiet neo nenyonei missing ko kotinygei ak ribsetab kalyet.

Kamwa Chebukati kole tokchingei icheget koker kole katestai komie lewensiiet neo ole kaikimit kole tetat kotoigei campaigns eng biik chesomei ngecherok eng tarik 28 arawetab 5  2017.

Komiten eng tuiyonoto afisaek cheboto Inspector General nebo Police Joseph Boinet, nebo ngecheret eng kipagengeitab  NCIC Francis Ole Kaparo ak afisaek cheterter  ole koigimit kole chobotin icheget koker kole kaisulda lewenisiet eng oretab kalyet.

Kamwa Inspector General nebo Police Joseph Boinet kole chobot afisaekab kalyet kosuldaen ribsetab kalyet neiititaat eng kasarta nekichobchingei,netesetai ak kokaibata lewenisiet.

Kamwa Boinett kole nyolu eng kipakengeisiek cheterter kobois eng kipakenge asi komuch kiterter koimutik cheboto ngemetab kalyet ak alak.

Eng kasarata komwa nebo ngecheret eng NCIS Francis Ole Kaparo kole kiipchin kokwoutik chekimen chebo ngatutik chi agetugul neibu suriet eng biikab emet eng kasarta nebo lewenisiet.