First Presidential Debate to be held on 10th July.

Kiyoei Debate netai nebo kandoik chesoomei ngecheretab President eng Jumatatu tarik 10 arawetab 7 eng kenyini.

Kongololi eng tuiyet nebo kandoik chenomu ketesiosiekab kabarastaet komwa nebo ngecheret eng committee netetei debate inoto Wachira waruru kole kiyoei tuiyonotok  asi kotoret bikab emet kokuiyo ak komuuch kotil kandoik cheleweni eng lewensiiet nemitei tai.

Kamwa Waruru kole kiyoei debate nebo 2 nebo runnning mates eng Jumatatu tarik 17 arawetab 7 eng sait 7.30PM.

Kiyoei debate ichotok eng sukulitab barak nebo Catholic University of Eastern Africa.

Kosubgei ak Waruru kotesetai icheget kongolole kotinygei ak ngatutik chetelelchin Debate inotok asi konai koitetab kandoik chititoi eng debates ichotok.

Kamitei eng tuiyonotok kandoik chebo ketesiosiekab chebo letaetab logoiywek cheboto nebo ngecheret eng Kass media CK Joshua,CEO Julius Lamaon che icheget ko alak eng membaekab committee netetei Presidential Debate inotok.

Kikiyai Presidential Debate netai eng arawetab 3 kenyitab 2013 ole kikiib eng oretab akenge eng akenge eng ketesiosiek tugul chebo Radio ak Television eng emoni.

Chekimitei eng Debate inotok ko Raila Odinga nekibo CORD,Uhuru kenyatta nebo Jubilee,Martha Karua,James Ole Kiyiapi,Musalia Mudavadi,Mohammed Abduba Dida,Pater Kenneth ak Paul Muite.