Mumias seeks Sh3bn fresh taxpayers bailout

Management negotiating with government over 3.14 billion package.

Kakomwa kampunitab sugaruk nebo Mumias  sugar kole mokchingei silingisiek billion 3.14 kobun serakali chew endi koboishe eng kakimitetab kampunit notok.

Kosupgei ak notok  kowendi koboishe  serkali  Rabisiekab boror che chotok ko aisurusiek chekiyumi kobun biikab emet eng takchinetab kekimit kampunit notok kikotestai koitchi kaimutik.

Kosupgei ak Mp nebo Mumias East  Benjamin Washiali  kotetaat  kokachi serkali kampunit notok rabisiek eng kebeberwek   3 ole tetaat konyor

Kikotestai konyor taretet kobun  serkali kampunitab Mumias ole eng kasartab   kenyisiek 2 chekokosirto  ko kinyor kampunit notok  silingisiek billion 3. 1  kobun treasury  , nitok ko kosupgei ak magetab  serkali nebo koger kole kaiwekchigei boisionikchik kampunit notok akosuldae  mungaret neyoru melegwek chetesotin.

Kiikoito president uhuru kenyatta cheque nebo silingisiek billion 1 eng kampunitab mumias Sugar eng rutoitionyi eng western province eng kenyitab mungaret nebo  2014.

Kiboishe kampunit notok alak eng rabisiek chotok eng libanetab kabotik chekiyochei kampunit notok rabisiek ole  kikotestai kobauryanchi kaimutik  kampunit notok cheboto melegwek cherekunotin eng kasarta nekoi.

Kampunit notok aldoi kebeberwekab mungaret eng sireet ko kiibarasta asenet nebo billion 2.92 eng kasartab mungaret nebo kenyitab 2016.

Kabit nitok eng kasarta nekitesetai kebauryanchin  rerunetab  sugaruk ak aliet nemitei barak eng sireetab emoni ole kokoito  chamchinet serkali eng chemungarainik koal  sugaruk kobun ematinwekab sang.