Raila blames Jubilee over USAID suspension

 

Kakomwa kandoindet nebo kotuiyetabgei nebo National Super Alliance Raila Odinga kole makat kerirtae serkalitab Jubilee kosupgei ak kokwoutyet nekoib emetab America kotonon toretet nekocham kokochini Ministry nebo tililindo.

Kamwa Raila motindoi maket President Uhuru Kenyatta koker kole kakiterter koimutyet nebo nametab asoya eng serkali, notok amune asikoib kokwoutionotok emetab America.

Kosupgei ak logoiyot nekakiyokchi korikab kabarastaet kongete taonitab Jerusalem eng emetab Israel ole mitei kandoindenotok bo NASA, ko kamwa Raila kole tektoi President Kenyatta kiboitinik chekikemwaitae youtik chebo nametab asoya ole kakon koborunet nebo neki sirindet neo eng ministry nebo tililindo Dr. Nicholas Muraguri nekikinaktae akoi ministry age yekingemwaitae youtik chebo nametab asoya.

Koibarasta emetab America kole itononi toretet nekikochini ministry inotok bo tililindo eng mwaet kole kipoishe rabinichatak eng ortinwek chema tokunotin.

Kosupgei ak notok ko kamwa Raila kole makat eng serkalitab Jubilee konam ak korwokchi kandoik tugul chepoishei ak chekipoishei eng ministry inotok chekikimwaitae youtichotok moiyonotin asikotestai konyor emoni toretet.

Akot kou notok ko kakomwa Minister nebo tililindo Cleopa Mailu kole kole mobitu koimutik alak tugul kosupgei ak kokwoutyet nekoib emetab America kotonon toretet nebo rabinik chekocham kikochini ministry inotok.

Ends///