Jubilee tells off NASA over IEBC appeal

Kakomwa chamaitab Jubilee kole makat eng kotuiyetabgei nebo NASA komatkotyem kochutyi poishonik chebo kapkirwok ak kipakengeishek chetononchinigei.

Kabit nito eng kasarta nekomwa kipagengeitab IEBC kole maistoi Appeal nekiikoito eng kapkirwok koesioi tilet nekikon kapkirwok nebo High Court kole kibarasta walutik chebo let chebo ngecheretab President eng kebeberwekab bunge anan Constituencies.

Kamwa sirindet neo nebo chamaitab Jubilee Raphael Tuju kole maiyanat kokwoutyet nekomwa kandoikab NASA kole bendi koistoegei lewenishet ak koyai kambaget neo angot komawirta kapkirwok nebo Court of Appeal kesit anan appeal nekoikoito kipakengeitab lewenishet nebo IEBC koeshoi tilet nekikon kapkirwok nebo High Court kole kibarasta wolutik chebo lewenishetab President eng constituencies nekata tallying centre eng taonitab Nairobi.

Kongololchini sirikab logoiwek eng ofisit neo nebo chamaitab Jubilee,komwa Tuju kole makat eng kipakengeitab NASA kokonyit kapkirwok chebo emoni ak kokochi kasarta nebo kokas appeal inotok koikoito kipakengeitab IEBC eng mwaet kole wendi chamaitab Jubilee koiyan tilet age tugul nekonu kapkirwokinotok.

Kosupkei ak Tuju,kotindoi kaiyweishet Nasa nebo kibel eng lewenishet neo nenyonei noto amunee asi kokotoi koiim kipagengeitab IEBC.

Akot kou noto ko kaikimit kandoindetab Nasa Raila Odinga kole magat kibarasta walutik chebo let chebo ngecheretab President eng Constituencies ama kibarasta eng Tallying Center nebo IEBC.

Kotinygei ak koimutyet nebo olyetab sobet nekokotestai kowo barak, ko kamwa Tuju kole manyolu eng kandoikab NASA koteshi bolotet koimutionotok amu kobit kosupgei ak kemeut neo nekibit eng komaswek cheterter chebo emet.

 

Ends/////