Democratic Party says Uhuru Tena

 

Kakotil chamaitab Democratic Party kole ikochini kasubet President Uhuru Kenyatta eng makenyi nebo kelewen eng arawetab 8 kotestai kondochi emetab Kenya.

Kakiityi koshinet notok eng tuiyet nebo delegates chebo chamainatak bo DP nekakiyai eng taonitab Nairobi ole kamwa chamainatak kole nyolu kelewen President Kenyatta kotestai koek President nebo emoni asikowong poishonik cheterter chebo bandaptai chekikotoi serkalinyi.

Kosupgei ak notok, ko kaiwekta kongoi President Kenyatta kosupgei ak kokwoutionoto eng mwaet kole chobot kopois eng kipakenge ak chamainatak koboto chamaishek alak eng ibunetab bandaptai nebo emet.

Kongololi eng tuiyonotok kakiyai eng gotab tuiyoshek nebo Ufungamano, ko kamwa Kenyatta kole eng kasari kitokchinigei lewenishet komo nyolu eng kandoikab bolotet koleta logoiwek cheibu suryet.

Eng kasaratak komwa kandoindetab emet kole mo nyolu eng kebeberta nebo opposition kotestai kokoito komuiset eng kapkirwok ak kipakengeitab lewenishet nebo IEBC.

Kates komwa Kenyatta kole nyolu kikochi bikab emoni kasarta nebo kolewen kandoik chemokchinigei eng oret nebo demokrasia.