Kenya ranked highly among Africa peers in visa openness policy

May/23/2017  – Kakelewen emetab  Kenya ko agenge  eng emetinwek cheindoi eng  kokoitatetab barainwek chebitunotin eng yaetab mungaret  ak  rutoitab chemungarainik  eng kwenutab  emiatinwek cheterter ama kaimut agetgul.

Niton kokosupkei  ak report kobun  bankit nebo African Development Bank ak kibagengeitab    African Union chechikili akobo  tuguk chemokotin  eng kasuldaetab mungaret  eng emotinwek   54.

Kosupkei ak report inoton  konomu emetab Kenya  koitet nebo 15  ole tindoi kamuget chemungarainik kobun emotinwek  18 korutechi emoni komotindoi Visa ak chemungarainik kobun emotinwek 30 koimuich konyor  Visa kokait kiwanchetab ndegeisiek nebo  emoni.

Kosupkei ak report nekokimong eng kenyit nekosirtoi kompunit netinyegei ak rutoitab nndegeisiek,koborui kole kokotestai kolany eng oleo koitetab ndegeisiek eng soet nenoton kokoborunet  kole miten baerak kasuldaetab mungaret eng  emoni

Alak eng tuiyosiek chekoimuch kokanapta  kasuldaetbamungaret eng emoni koboto tuyosiek chekokiyai eng konegit ole koimuch kokanapta eng oleo koitetab  kiprutoinik

Indoi emetab Seychelles eng emotinwek chetindoi katiaknatet nebo   kosuldaen mungaret   chemungarainik kobun emotinwekab sang chemotindoi Visa