Kenyatta phones May over Manchester attack.

 

Kakongalal President Uhuru Kenyatta ak Prime Minister nebo emetab Uingereza Theresa May, kotinygei ak kabokchinet nekabiit eng taonitab Manchester ole kait kobeet sobonwegwak biit cheitei 22.

Kamwochi Kenyatta May kole mitten emetab Kenya eng kipagenge ak emonoto eng tokyinetabgei nebo koker kole kakiterter chelesosnatet.

Kamwa Kenyatta kole chobot emetab Kenya kogochi emonoto toretet agetugul nemokyingei eng kasarita.

Koibet sobonwegwak biik 22 ak kigoten alak chesirei 50 kosupgei ak katyolset nekobiit eng taonitab Manchester eng emetab Uingereza eng kemout nekoekchin betutab raini.

 

Mwoe logoiwek kole kobiit katyolsonoto eng Manchester arena eng kasarta nekotesetai concert nebo tyenindet agenge kobun emetab America .

 

Kosupgei ak police chebo emonoto ko kibwotyin kokosuldaen chelesosiek katyolsonoto ak kokotoigei chigilisiet kotinygei ak noto.