Rights groups wants 20 politicians out of polls

Kakobarasta kipagengeishek cheborchinigei imandab kipkosobei eng emoni kainaikab kandoik 20 chekamwa kole manyalu kechomchi kobelchinigei poroinwek alak tugul chebo kandoinatet eng lewenishet nebo arawetab 8 kosupkei ak nemoityini magutikab Chapter 6 eng Katiba nebo emet.

Kamwa kipagengeishekchatak mitei kayumetab Kenya Integrity Alliance kole tindoi kandoikchoto kirwogutik chetinyegei ak nametab asoya ak yautik alak ak kou noto komanyalu kechomchi kosoom poroinwekab kandoinatet.

Biikchoto koboto MP nebo Nandi Hills Alfred Keter, MP nebo Kapseret Oscar Sudi, MP nebo Tiaty Asman Kamama, Gladys Boss Shollei, Anne Waiguru, Governor Alfred Mutua, Dr Evans Kidero, Hassan Joho, Kenneth Lusaka, Okoth Obado ak Mwangi Wa Iria.

Alak ko Moses Kuria, Samwel Kazungu Kambi, Stephen Murathi Kambi, Cyprian Awiti, Mike Sonko, Elizabeth Ongoro, Ochilo Ayako ak Mathew Lempurkel.

Kongololi yekangoborostoi kainaikchatak, komwa Executive Director nebo Transparency International Samwel Kimeu kole kikemwaitae biikchoto yautik chebo nametab asoya ak butetab magutik chebo Chapter Six ak kou noto komanyalu kobelchigei lewenishet.

Kamwa Kimeu kole kakekoito listinoto eng kipagengeitab lewenishet nebo IEBC, kipagengeitab Ethics and Anti-Corruption Commission (EACC) ak kipagengeishek alak chetinyegei ak chikilishet asi keib kakwoutik chemokotin.

Ends////