Election preparedness

 

Tetat korutechi County nebo Kwale kandoikab Jubilee kondochini President Uhuru Kenyatta asi kocheng kasubet kobun mengikab komasatak eng chopchinetabgei nebo lewenishet nekiyoei eng arawetab 8.

Tetat koyai kandoikchoto tuiyoshek cheterter chebo polotet ak kolumda tetutik cheterter chebo bandaptai eng komasatak ko oret 1 nebo konyor kasubet.

Eng kasaratak ko tetat korutechi kandoikab Nasa kondochini Raila Odinga County nebo Baringo asi kocheng kasubet kobun mengikab komasatak eng chopchinetabgei nebo lewenishet neo nenyonei.

Tetat koyai tuiyetab polotet kandoikchoto eng komasta nebo Barwessa eng Baringo North ole kimongu kongololchi mengikab komasatak kotinygei ak tetutik chetindoi angotkonom baunotetab emet eng arawetab 8.

Alak eng tuguk chekimongu kongalale kandoikchoto koboto kaimutiet nebo ngemetab kalyet nekikotestai kobit eng County inoto ole eng konegit ko kobar biik chemokingen MCA nebo Churo/Amaya Ward Thomas Minito ole kikinyor bortanyi eng komasta nebo Oldonyo Sabuk eng Machakos County.

Ends////