NEW KCC REDUCES FRESH MILK CONSUMER PRICES

Kakobarasta kompunitab  New KCC  kole kokochor alietab  chego eng shilling 10 eng chego chebo 500ml kotougei eng betutab mutai eng dukosiek chemengechen ak kotou kochoru aliet  Dukosiek chebo supermarkets kongeten 1 june 2017

Kamwa kompuniopton kole kochor alietab chego kotinkei ak nekokotoigei ropta eng kebeberwek cheterterchin eng emet kit nekoibchi kobit chongindab chego eng siret

Kates  komwa kompuninoton kole  kosupkei ak ropta nekokotestai korobon kokoibchi kolany chego eng koitet  nebo 20% ak kimongu kotestai kolany  koitetab chego eng  betusioek chebwone

Eng konegit kokikoito chomchinet  serkali  kobun Kenya Gazzette nebo   keisto aisurut nekiyoche mungarainik cheibu chego chebo powder  kobun emotinwekab sang eng tokyinetab ketes chego eng emoni kotinkei ak nekokiborionchi rorune kotinkei ak kasarta nekoi nebo  kemeut December 2016 akoi  May 2017

Kotinkei ak noton kokibchi kochorgei chego eng siret  eng koioitet nebo 50%  ole kiiibchi  kolany alietab chego  kongetegei shilling  30 akoi shilling 60 eng chego chebo 500ml

Kotinkei ak neton kokiyai kolany alietab sobet missing kokotinkei ak nekimuch kolany aliet nebo unga  komait kochutyi serkali ak koib pandek kobun emotinwekab  sang.