11 Governors, 13 MPs named in integrity report submitted to IEBC

Kakomwa Kipagengeitab lewenisiet (IEBC) kole kokonyor report nebo kipagengeit netinyegei ak kirindaetab asoya noto ko Ethics and Anti-Corruption Commission ole report inoto kotinyei kainaikab kandoikab polatet cheitei 106 missing ko kotinygei ak kandoinatet anan Leadership and integrity kosupgei ak Chapter six nebo katiba eng emoni.

Eng report inoto komitei kainaikab Governors 11 ,Senator agenge, Women Representatives 2, Mps 13 ak MCA’s 14 ole kandoik chetindoi kirwoget netomo kiwong eng kapkirwog kosupgei ak report inoto ko Governors 6,senators 2,Women rep 1,Mps 9 ak MCAs 23.

Eng logoiyot kobun nebo ngecheret eng IEBC Wafula Chebukati ko kakosirchi baruet kipagengeinoto bo EACC komochei logoiwek cheyomotin kotomo koib kokwoutik alak tugul eng mwaet kole kandoindet agetugul nekinoyorjin lelutietab butetab ngatutietab chater six nebo katiba keipchin kokwoutik chekimen cheboto keeten komatkobeljigei ngecheretab kandoinatet eng lewenisietab arawetab sisit.

Eng kasarata ko kosirchi baruet IEBC Commission for University Education kochenge logoiwek chetinyegei ak kartasisiekab somanet chebo alak eng kandoik chekimwae kele mobo iman kartasisiegwak.