IEBC Cautions candidates against violent campaigns

Kakekoito kurset eng bik cheibelchinigei boroinwek cheterter chebo kandoinatet eng lewenishet nemitei tai koker kole kaisub ngotutik eng kasarta netesetai ak campaigns chekwaket.

Kamwa nebo ngecheret eng kipakengeitab lewenishet nebo Independent Electoral and Boundaries Commission Wafula Chebukati kole makat eng kabelichotok ak chamaishek tugul chebo bolotet koyai campaigns chekwaket eng oret nebo kalyet.

Kakon kateunet Chebukati kole wendi kipakengeitab IEBC koipchini kokwoutik chekimen kabelik alak tugul chekinyoru kobutei ngotutik eng kasari tesetai campaigns.

Eng kasaratak ko kaikoito kurset Chebukati eng bikab emet koker kole karutechi ketesioshekwai chekibire kura asikochigil kainaikwai angot kosirotin komyeei kotomo kobek kasarta nekikitobonchi tetutionotok eng tarik 9 nebo arawani bo 6.

Kangololi Chebukati eng kapkirwok nebo Milimani eng kasarta nekatou kipakengeinatak bo IEBC kokosei kesishek 82 chekobit eng nominations chebo chamaishek cheterter