Six countries cut links with Doha

Kakotil tilyandit emotinwek 6 chebo Uarabu ak emetab Qatar eng mwaet kole poishei eng kipakenge ak chelesoshek.

Kamwa emotinwechotok boto Saudi Arabia, Egypt, United Arab Emirates, Yemen, Bahrain ak  Libya kole poishei eng kipakenge emetab Qatar ak kipakengeitab chelesoshek nebo Islamic State nekikotestai kosuldae kabokchinoshek eng emotinwek cheterter chebo ingony.

Akot kou notok kotesetai koeshoi logoiwechotok emetab Qatar eng mwaet kole momitei baornatet age tugul neiboru kole ikochini kasubet kipakengeishekab chelesoshek.

Kaek chetai emotinwekab Bahrain ak Saudi Arabia kotil tilyandit ak emonotok eng karonetab rani ak kosub emotinwek alake 4.

Kamwa emoinwechotok kole kaib kokwoutionotok bo kotil tilyandit ak koyon kiyokikab Qatar kongete emotinwechotok ko oret 1 netokchinigei korib chametabgei nebo emotinwekwai.