Raila alleges KDF training cops to rig elections
Katestai ak campaigns chechwak katuiyetapgei nebo NASA eng County nebo Nairobi ole kaindochi tuiyosiekap poror Raila Odinga komitei ak Kalonzo Musyoka, Musalia Mudavadi ak Moses Wetangula.
Kongololchi biikap emet ak kosom ichek kolewen serkalitap NASA eng lewenisiet neo nenyonei. Kangololchi ichek eng Kajiado, Kitengela eng kwenutap komoswek alak chekarutochi ichek.
Eng tai ko kangololchi Raila sirrikap logoiywek ak komwa kole tesetai asikarikab luget chebo KDF kokoitoi konetishet eng ofisaekab Police kotinygei ak ole kichortoi kura eng lewenishet neo nebo arawetab 8 asi kochorchi chamaitab Jubilee.
Kosupkei ak Raila,kotesetai asikarikchtak bo KDF kokochini konetishet ofisaekab AP,Regional Coordinators ak County Commissioners chetetat kiyokto koba komaswek cheterter chebo emet missing ko komaswek chetindoi chamet neo Nasa asi kochorchi kura serkalitab Jubilee.
Kongololchini siriikab logoiywek eng taonitab Nairobi,komwa Raila kokiyai tuiyet eng konegit eng kwenutab asikarikab KDF,Director nebo NIS ak CID koboto kipagengeishek alak chebo serkali chetinyegei ak ripsetab kalyet asi kotet kotinygei ak ole kichortoi kura.
