Judiciary disrupts operations over IDD 

Kosupkei ak nekoibarasta serkali betutab Jumatatu koek betutab kamunget anan Public Holiday asi keboibochi igortab Idd-Ul-Fitr, ko kakobarasta kebeberta nebo kapkirwok anan Juciary kole ngetu kokerotin kapkirwok tugul eng emet eng betunoto.

Koibarasta Minister nebo ripsetab kalyet eng emet orit Joseph Nkaisserry eng Gazette nebo serkali betutab Jumatatu tarik 26 arawani koek betutab kamunget asi keboibochi betunoto bo Idd-Ul-Fitr.

Kamwa logoiyot nekakiyokchi koriikab kabarastaet kobun Registrar nebo Magistrates Courts Peter Mulwa kole iyoni kebeberta nebo kapkirwok kole imuch kowechokis tetutikab kapkirwok cheboto kasetab kirwogutik eng betunoto ak kou noto keyochini walet tetutik chekatesetai eng betunoto.

Kosupkei ak noto,ko kirwogutik chekonyalu kekur eng betutab Jumatatu ko kakiyapta akoi betutab Tuesday tarik 27 arawani.

Kates komwa logoiyondonoto kole kirwogutik tugul chekonyalu kekas eng betunoto, konyalu eng ogilyek ak biik alak chetinyegei ak kirwogutikchoto kocheng katigonet kobun Registry nebo kapkirwok asi kikoch betut age nekikosei kirwogutikchoto.

Boiboichini kasubiikab dinitab Islam igortab Idd-Ul-Fitr eng betutab Jumapili  ole kosupkei ak noto ko kiyai betutab Jumatatu koek betutab kamunget.