Uhuru Kenyatta talks to kass FM.

Friday August 4, 2017

Manyolu eng chi agetugul nebo emoni kosich koyweisiet agetugul nebo kobiit ngemetab kalyet eng kasarta nebo lewenisiet netetat keyai eng wikit nenyonei.

Nito ko kayomiset kobun President Uhuru Kenyatta nekangololjin Kass FM eng oretab agenge eng agenge eng gotab pororiot anan State House Nairobi.

Kasom President Uhuru Kenyatta biikab emet missing ko kasubiikab chamaitab Jubilee komongei eng chongindo asikopir kura eng betutab lewenisiet eng mwaet kole chobot serkali koker kole kabiit ribsetab kalyet neyamat eng emet komugul eng kasartab lewenisiet. 

Eng kasarata ko kaesio kandoindetab emet ngalaletab kebebertab opposition NASA kotinygei ak nametab asoya eng serkali eng mwaet kole kikotestai serkalitab Jubilee kokimit boriet nekitokyin yautietab nametab asoya eng emet ak kou noto komotindoi imanit agetugul ngalaletab kebebertab opposition NASA kotinygei ak yautionoto.