Raila to announce action over disputed election

Kakikimit ribetab kalyet eng komaswek cheterter chebo taonitab Nairobi ak Kisumu kosupgei ak ne tetat kobarasta kandoindet nebo kipakengeitab NASA Raila Odinga kokwoutik che wendi koibei kosupgei ak wolutikab lewenishet chekoibor kole koibelis President Uhuru Kenyatta.

Komaswechotok mitei barak ribetab kalyet ko komaswek chekobitune chemarget yekongibarasta wolutik chebo lewenishetab President eng kemboutab komut kazi.

Kokotestai koesho wolutichotok kandoik ak alak eng kasubik chebo NASA eng mwaet kole kibitz youtik chebo ngolset eng lewenishonotok.

Iborostoi Raila kokwoutik chewendi koibei betut 1 kityo kongete ngomwa President Uhuru Kenyatta kole makat eng kipakengeitab NASA koistoegei chemarget ak kowo kapkirwok angot komoiyoni wolutikab lewenishet.

Komwa kandoindetab emet kole moiyoni serkali kobit youtik alak tugul chebo ngemetab kalyet kosupgei ak wolutikab lewenishet eng mwaet kole chobot serkali korib bik tugul chebo emoni koboto malikwai.