Swearing In Of Governors To Begin On Friday

 

Kosupkei ak ngatutikap emetab Kenya konyalunot kimurta Governaeg chekiibelis eng lewenishiet neo yekakobata petusiek 10 kongetegei  keyai lewenishiet.

 

Kamwa minister nebo Devolution Mwangi Kiunjuri kole kitoi tetutik chebo kamurtoet kandoik cheboto gavanas kotomo keyai lewenisiet ole  kang’ong kole kikitoi committee nebo tetutichoto arawetaap tisap kenyini.

Gavanas che tai kimurto angot ko matelel kamurtoenywa ko gavana Martin Wambora nebo Embu ne kimurtoi eng kiwanjetaap Embu Stadium kasitaap mut tarik 18 arawani ak Prof. Paul Chepkwony nebo Kericho eng Kericho Green Stadium betunoto kora.

 

Kosupgei ak katiba ne bo emoni komuchi murto gavana ne kebelis agot ndawendi kapkruog chi kole maibelis eng oret ne tagunot tai komogon kapkiruog ng’atutiet komat kimurto akoi kiwong kiruoget.

 

Kangong kiunjuri kole kokikoito kanaikaap gavanas ichoto 47 koibelis eng ogilyotaap serkali neo asikosir eng kasetitaap serkali ak ko unoto kotoi kasitaap somok membaekaap committee nebo kamurtoet korutechi kaonties tugul asikoger tetutik chebo igorwechoto.