US congratulates Uhuru Kenyatta

 

Kakoyokto logoiyotab maket nemie emetab America koityi President Uhuru Kenyatta kosupgei ak nekoimuch kobelis eng lewenishet ole kokilewen kotestai kondochi emoni

Kamwa logoiyot kobun White House kole kokiyai lewenishonotok eng oret netokunot ole kaiwekchi kongoi bikab emoni kosupgei ak nekoimongei eng chongindo ak kobir kura eng oret nebo nebo kalyet.

Kamwa logoiyondonotok kole boibochini emetab America kokwoutyet nekomwa observers tugul chekoisubi lewenishonotok kole kokiyai lewenishet eng oret netokunot ole mabit youtik chebo ngolset.

Akot kou notok ko kaibor kaimetabgei emonotok bo America kosupgei ak chemargoshek chekokibaoryonchi eng komaswek alak chebo emoni kosupgei ak kabarastaetab wolutikab lewenishet ole kacher bik chemaiyan wolutikab lewenishonotok kocheng imandangwai kopoishe ortinwek chebitunotin eng ngotutik.

Kaikimit logoiyondonotok kole tesetai emetab America kopoishei eng kipakenge ak emetab Kenya eng poishonik cheterter chetokchinigei koib bandapai ak tilyandit nemie eng kwenutab emotinwechotok 2.

Ends/////