EACC to continue probe on all state officers

Kakomwa kipagengeit neborie nametab asoya eng emoni nebo Ethics and Anti-Corruption Commission (EACC) kole tesetai chikilishet eng ofisaek tugul chebo serkali chekikemwaitae nametab asoya.

Kamwa kipagengeinatak kole kichigili ofisaek tugul cheboto Governors kergei ngo koibelis anan ko kokibel eng lewenishet.

Kongololchini siriikab logoiywek eng taonitab Nairobi,komwa nebo ngecheret eng kipagengeinatak Eliud Wabukhala ak ofisaiyat neo Halakhe Waqo kole yoei kit age tugul kipagengeinatak koker kole kakiweek maliik tugul chekikichor ak keipchi kakwoutik chekimen biik tugul chekitinygei ak chorsetab maliikchoto.

Kaikoito kurset kipagengeinatak eng kandoik chekokilewen mising ko Governors kosub ngatutiet nebo Integrity Act asi mawechokis maliikab poror chetelelchini icheget.

Eng kasaratak komwa kipagengeinatak bo EACC kole ingandan koisulda komie lewenishet,komitei yautik chemengechen cheboto aletab piriikab kura ak poishet neya nebo maliikab poror chekobit eng lewenisionoto ole kobaorienchi yautik 26 chebo aletab piriikab kura ak poishet neya nebo maliikab poror eng Counties cheterter ole tesetai chikilishet asi keib kakwoutik chemokotin.

 

Ends/////