Governors Mutua and Roba sworn in today

Katoigei eng betutab rani kamurtoetab Governors chekoibelis eng lewenishet nekosirtoi.

Kakitaunee kimurto Governor nebo Machakos Dr Alfred Mutua ak Governor nebo Mandera Ali Roba kosupkei nekoibelis eng lewenisionoto.

Kakimurto Dr Mutua eng igorta nekakiyai eng kiwanjetab Kenyatta Stadium eng taonitab Machakos ole kaimongei biik chechang chebo emet asi kobaorienchi igoratak.

Eng kasaratak ko kakimurto Ali Roba eng igorta nekatestai eng kiwanjetab Moi Stadium eng taonitab Mandera.

Kakimurto Dr Mutua eng kasarta nekamwa Wavinya Ndeti nekoibeligei tuwai kole maiyoni walutikab lewenishet ole kamwa kole wendi kapkirwok asi kocheng imanda.

Eng betutab mutai Friday Friday,ko tetat kimurto Governor nebo Kericho Prof Paul Chepkwony kotoi poishet eng igorta nekiyoei eng kiwanjetab Green Stadium eng taonitab Kericho.

Eng betutab Jumatatu ko tetat kimurto Governor nebo UasinGishu Jackson Mandago,Governor nebo Elgeiyo/Marakwet Alex Tolgos, Stephen Sang nebo Nandi, Stanley Kiptis nebo Baring oak Governor Samuel Tunai nebo Narok eng kwenutab Governors alak chekokilewen.

Kimurtoi Governors ichoto eng kasarta nekomwa kipagengeitab Council of Governors kole manyalu eng serkalit neo nebo National Government kochutyi tetutik chebo kamurtoetab Governors eng mwaet kole noto ko poishetab Counties.

Ends////