Governors to be sworn-in from Friday this week

Kitou kimurtoi Governors chekokilewen kondochi Counties tugul 47 kongete betutab mutai Friday.

Kosupkei ak Minister nebo Devolution Mwangi Kiunjuri, ko Governors chetai kimurtoi ko Governor nebo Uasin Gishu Jackson Mandago, Prof. Paul Chepkwony nebo Kericho ak Martin Wambora nebo Embu chekimurtoi eng betutab mutai.

Eng betutab Jumatatu wikit nenyonei,ko tetat kimurto Governors cheboto Alex Tolgos nebo Elgeoyo Marakwet, Dr. Joyce Laboso nebo Bomet, Lee Kinyanjui nebo Nakuru, Samwel Tunai nebo Narok, Stanley Kiptis nebo Baringo ak Prof. John Lonyangapuo nebo West Pokot kotomo kimurto Stephen Sang nebo Nandi County eng betutab Thursday wikit nenyonei.

Eng inguni kotesetai tetutik chetokchinigei kimurto Governors ichoto eng Counties cheterter chebo emet.