NASA to contest Uhuru win in court

Togu kisipto betut nekimurto kabelindetab ngecheretab president koek kandoindetab emet kongeten tarik 29 arawani akoi betut age kosupgei ak nekakomwa katuiyetabgei nebo NASA kole tetei ichek koib kesit kwo kapkiruok nebo Supreme Court koesio kabelisietab President Kenyatta eng lewenisiet neo.

Kamwa nitok kandoikab NASA eng kasarta nekaigimit mwaet kole nitok ko boroindo age eng kapkiruok nebo emoni kogochi biikab emet chekibir kura imandanywan.

Kotiengei kandoindetab katuiyetabgei nebo NASA Raila Odinga kole amunee agenge nebo koib ichek kesit kwo kapkiruok ko kosupgei ak nekoib kakwautiet kibakengeitab IEBC nebo kobarasta kandoindet ne kotiengei NASA ko kikibel eng lewenisiet koek kabelindet nebo ngecheretab President.

Karirtaen Raila Odinga kit nekamwa kole maiityi kamanut IEBC kangunyngunyetab NASA kotinygei ak walutikab lewenisiet ak kora kobarasta President Uhuru Kenyatta komanyor Formisiek tugul kosupgei ak ngatutietab emet.

Kates kogimit Raila Odinga mwaet kole kotil NASA koba kapkiruok kosupgei ak nemochei koborchigei imandab biriikab kura chekiimongei eng changindo kobir kura.