Requiem mass for Chris Msando

Kakiyai eng betutab rani igortab sautik amait kekonor bortab neki Director nebo ICT eng kipagengeitab lewenishet nebo IEBC Chris Msando.

Katestai sautikchoto eng kanisetab Consolata Shrines eng taonitab Nairobi ole kaitita tuiyonoto nebo ngecheret eng IEBC Wafula Chebukati,ofisaiyat neo Ezra Chiloba ak toek alak.

Kongololi eng igoratak,komwa Chebukati koibet inendet chorwet ak kiboitiot nekiikiligei ole kasaa kamuktaindet kotebi ak familia nebo Msando eng kasari bo rirek. 

Kamwa Chebukati kole magat kechokchi chikilishet kotinygei ak meetab Msando asi kobit imanda eng mwaet kole igeni biikab emoni konai biik chekibar inendet.

 

Eng komastanyi komwa Prof Anyang Nyongo nekokilewen koek Governor nelel nebo Kisumu kole kime Msando meet nengwan ole kasom familia nenyi konyor muitaet eng kasari bo nyigisindo.

 

Kikinyor Msando kokakebar eng komasta nebo Kikuyu eng kakesunetabgei nebo arawetab konye betushek chengering amait betutab lewenishet.

Akot kou noto kotesetai chikilishet netokchinigei kenai biik chekitinygei ak meenyi.

 

Ends///