Union of Nurses call for dialogue to end impasse

Kakokoito kurset kipagengeitab kanyoik chenootin kou Nurses nebo Kenya National Union of Nurses eng serkalitab emoni koyai ngalalet ak icheget eng chokchinet asi keisto strike nebo Nurses netesetai eng emet.

 

Kondochini sirindet neo eng kasar Maurice Opetu,komwa kipagengeinatak kole chobotin Nurses koyai ngalalet ak serkali asi keisto strike inoto.

Kongololchini siriikab logoiywek eng taonitab Nairobi,komwa Opetu nekabotogei ak ofisaek alak chebo Nurses kole nyalu eng serkali koiityi komonut magutikab Nurses mising ko eng kasari kokobata lewenishet asi kenyor walutietab kipchulio kotinygei ak strike inoto kokotestai eng kasartab arawek 3.

 

Karirtae Opetu serkali kotinygei ak nemoityi komonut magutikab Nurses kit nekokoipchi koimak tetutikab kanyoiset eng sipitalishekab emoni.

 

Kaikimit kipagengeinatak kole mawekchinigei poishet Nurses akoi kisuldae magutikwai cheboto kisuldae kayonchinetab CBA nekiityi ak serkali.

 

Kitoi kongelelchi poishet Nurses chebo emoni eng tarik 5 arawetab 6 kosimchini serkali kokosyi icheget rirekwai ole akoi inguno kotomo kenyor walutiet kotinygei ak kaimutionoto.

 

Ends////