NASA granted restricted access to IEBC servers and KIEMS kits

Kakechomchi kipakengeitab NASA kochigil logoiwek chetinyegei ak lewenishet nekosirtoi eng server nebo kipakengeitab lewenishet nebo IEBC

Katil kirwogik chebo Supreme Court kole kechomchi kipakengeitab NASA kochigil logoiwechotok asikenai imanda kotinygei ak logoiwek che komwa kipakengeinatak bo NASA kole kibit ngolset eng lewenishetab President.

Kondochini Chief Justice David Maraga, ko kaiyonchi kora kirwogichotok kipakengeitab NASA kochigil formishek kobun ketesioshek cheterter chebo biretab kura chekikipoishe eng lewenishet.

Eng tilet nekatok ko kabelishet eng kipakengeitab NASA, ko katil kapkirwokinotok kole makat eng kipakengeitab IEBC kochomchi NASA kochigil formishek chekikipoishe eng lewenishet cheboto  Form 34A, 34B ak 34C koboto server nebo IEBC ko oret 1 nebo kenai angot ko iman logoiwek chekomwa NASA kole kibit youtik chemoiyonotin eng lewenishonotok.

Akot kou notok ko kamwa kapkirwok inotok kole nganda kakichomchi NASA kochigil server nebo IEBC, komotinyei chomchinetab koyochi walet age tugul logoiwek chemitei eng server inotok.

Kosupgei ak notok ko kamwa ogilyot netononchini kipakengeitab IEBC Paul Muite kole chobot kipakengeinatak kochomchi NASA kochigil logoiwechotok eng mwaet kole mounyei kit age tugul.

Komwa Raila Odinga eng petition nekoikoito eng kapkirwok inotok bo Supreme Court kole alak eng wolutik chekikibarasta eng National Tallying Centre komakergei ak chekikibarasta eng ketesioshek chekibire kura ak kou notok ko nyolu kechomchi NASA kochigil server nebo IEBC ak formishek chekikipoishe eng lewenishonotok.