IEBC will comply with court order

 

Kakengat kipakengeitab lewenishet nebo IEBC kosuldae ngotutyet nekokon kapkirwok nebo Supreme Court eng betutab omut

Kamwa kipakengeinatak bo IEBC kole maimuch kosuldae ngotutionotok eng koskolingutab omut amu maimukak eng ngamotik chebo musoknotet chetononchini server inotok bo IEBC eng  Europe kosuldae ngotutionotok.

Kamwa ogilyot Paul Muite netononchini kipakengeitab IEBC kole mokchinigei kipakengeinatak keteshi kasarta nebo saishek tutikin asikomuch kosuldae ngotutionotok.

Kamwochi kapkirwok eng karonetab rani ogilyekab NASA kole kaesho kipakengeitab IEBC kochomchi icheget kochut server inotok asikochigil logoiwek chetinyegei ak lewenishetab President kou ole kongat kapkirwok nebo Supreme Court eng betutab omut

Akot kou notok ko kamwa Paul Muite kole ma iman logoiwechotok eng mwaet kole kosupgei ak terhcinet nebo saishek chebo Kenya ak Europe, komaimukak kisuldae ngotutionotok eng kasarta ne makat kobate tesetai kosuldoe ngotutionotok eng inguni.