Jubilee MPs to back Lusaka and Muturi as Speakers

Kiyotei bunge nebo 12 eng karonetab rani ole tetat kimurto Mps ak Senators kotomo kotoi poishet.

Yeibata kimurtoi kandoichotok, ko tetat kolewen Speakers ak Deputy Speakers che bendi kondochini bunge nebo National Assembly ak Senate.

Kokotil chamaitab Jubilee kole bendi kokochini kasubet Justin Muturi kotestai koek Speaker nebo National Assembly ak neki Governor nebo Bungoma Ken Lusaka koek Speaker nebo Senate.

Eng tuiyet nebo MPs ak Senators chekokilewen eng chamaitab Jubilee nekokiyai eng State House Nairobi, ko koibarasta President Kenyatta kole ikochini kasubet kora chamaitab Jubilee  MP nebo Kuresoi North Moses Cheboi koek Deputy Speaker nebo National Assembly ak Senator nebo Tharaka Nithi county Kithure Kindiki koek Deputy Speaker nebo Senate.

Koyai tuiyet akichek kandoik chekokilewen eng kipakengeitab NASA ole kowal telelet nekikakon eng tai ak komwa kole bendi bunge eng betutab rani MPs ak Senators chebo kipakengeinatak bo NASA eng igorta nebo komurtoetab membaek chebo kot nekingote ngotutik.

Akot kou notok ko komwa kandoichotok bo NASA kole chobotin kimurto icheget kobate machobotin kolewen Speakers chebo korichotok 2 ak kou notok ko imuch kobit terchinet neo angot komakinyor koitet ne makat nebo MPs ak Senators cheyomei kolewen Speakers anan quorum