Get your house in order for repeat poll, Opposition tells IEBC

Kakokoito kurset katuiyetabgei nebo National Super Alliance (NASA) eng kipagengeitab lewenishet nebo Independent Electoral and Boundaries Commission (IEBC) kotet komie lewenishet nekiketyinigei nebo President asi mabit kaimutik chetinyegei ak ngatutik eng emet.

Kongololi eng sang nebo kapkirwok Supreme Court kokebata kokonu tilet tugul kirwogik chebo kapkirwokinoto kotinygei wirtaetab walutik chebo ngecheretab President,komwa ogiliotab Nasa James Orengo kole mitei ngoiyonditab kobit kaimutik chetinyegei ak ngatutik eng emet angotkomakiyai lewenishet amabek betushek 60 chekikon kapkirwok nebo Supreme Court.

Kosupkei ak Gazette Notice nekikon kipagengeitab IEBC,keyoei lewenishet nelel nebo President eng tarik 17 arawet nenyonei kobate kokotestai kobit terchinet kotinygei ak betunoto.

Eng komastanyi komwa kandoindetab NASA Raila Odinga kole magat kosub ngatutik kipagengeitab IEBC eng lewenisionoto kiketyinigei asi kobit imanda.

Koboibochi Raila tilet tugul nekokon kapkirwok nebo Supreme Court eng mwaet kole koiaror amunee neyomei nekiipchi kewirta walutik chebo ngecheretab President.

Akot kou noto ko koikimit Raila kole chobot Nasa eng lewenisionoto kiketyinigei kobate komwa kole magat keyai lewenisionoto eng oret netagunot.

Ends///