Raila withdraws from repeat presidential poll

Kakoistogei kandoindetab Nasa Raila Odinga eng kabeletabgei nebo lewenishetab President nekiketyinigei eng tarik 26 arawani.

Kamwa Raila kole katil koistogei eng kabelisionoto kosupkei ak nekokotook kole matindoi maget kipagengeitab IEBC nebo kosuldae magutik chekikon Nasa kotomo koit lewenisionoto.

 

Kongololchini siriikab logoiywek eng ofisishek cheechen chebo Okoa Kenya eng taonitab Nairobi,komwa Raila kole Kamwa Raila kole istoegeei lewenisionoto inendet ak Running Mate nenyi Kalonzo Musyoka

eng mwaet kole  ingandan kikon kurset icheget kole magat keyai walet eng kipagengeitab IEBC ak kilitit kaimutik chekingong kapkirwok nebo Supreme Court,komakiityi komonut kursonoto.

Karirtae Raila serkalitab Jubilee kotinygei ak nemochei koyochi walet ngatutikab lewenishet eng mwaet ibei kakwoutionoto asi komuch kobelis eng lewenishet eng ortinwek chemanyalu.

Kosupkei ak noto ko kakosirta baruet Raila eng nebo ngecheret eng IEBC Wafula Chebukati komwochini inendet kole kakoistogei eng kabeletabgei kosupkei ak nemakisuldae magutikwai.