President Kenyatta mourns renowned Bishop Korir

Tesetai koyoktoi logoiyotab mutyo kandoikab emoni koityi familia, choronok ak tilianutik chebo Bishop nebo Cornelius Korir nebo kanisetab Catholic nekaibet sobenyi eng karonetab rani.

Kamwa President Uhuru Kenyatta eng logoiyonyi kole kaibet emoni chito nekipoisiechi emet eng kimnotenyi tugul ko kandoindetab kanisa ak nekiinemgei koamda kalyet eng biik tugul chebo emoni.

Kamwa President Kenyatta kole kataach logoiywek chebo meetab Bishop Korir nebo Eldoret Diocese eng orogenet neo ole kasom kiptaiyat  kogaigai familia ak kaniset tugul nebo Catholic kosupkei ak meenyi.

Alak eng kandoik chekaiyokto logoiyotab mutyo koboto Deputy President William Ruto ak neki Prime Minister Raila odinga.

Eng kasaratak ko kamwa kipagengeitab Council of Governors kondochini nebo ngecheret Josephat Nanok kole kataach logoiywechotok eng nyigisindo neo.

Kamwa Nanok kole kaibet emoni chito nekiinemgei kondochi tetutik chebo wekunetab kalyet eng komasta nebo North Rift, mising ko eng kasarta nekimitei emoni chemarget ole kamokchi familia an tilianutikab Bishop Korir kagaigaet eng kasari bo rirek.

Kaibet sobenyi Bishop Korir eng karonetab rani eng  mengotenyi nemitei kanisetap Sacred  Heart  Cathedral, Diocese nebo Eldoret ole

kaibet sobenyi kotindoi kenyishek 67.

Ends/////