Uhuru Kenyatta declared winner

 

Kakobelis President Uhuru Kenyatta eng lewenishetab President nekokiyai eng betutab kwangwan kazi nekosirtoi

Kaibarasta nebo ngecheret eng kipakengeitab lewenishet nebo IEBC Wafula Chebukati kole koimuch konyor President Kenyatta kuraishek 7,483,895.

Kamwa Chebukati kole kuraishechotok koimuch konyor President Kenyatta ko kebeberta 98 eng 100 nebo kuraishek tugul chekokibir ole koimuch kobel kabelik alak cheboto kandoindet nebo kipakengeitab NASA Raila Odinga nekoistoegei lewenishonotok.

Kamwa Chebukati kole bik chekoimongei kobir kura ko kebeberta 38.4 eng 100.

Kailos Chenukati lewenishonotok bo President eng mwaet kole kotestai eng oret nekararan akot nganda kobit koimutik eng komasta nebo Nyanza.

Kosupgei ak kipaknegeitab IEBC, ko koit kitonon lewenishet eng constituencies 25 chemitei counties chebo Kisumu, Homabay. Migori ak Siaya kosupgei ak youtik chebo ngemetab kalyet chekobit eng counties chotok.