KEPSA calls for calm with the ongoing National Examinations

Kakokoito kurset kipagengeitab chemungarainik eng emoni nebo Kenya Private Sector Alliance (Kepsa) eng biik tugul chebo emoni koriib kalyet asi komuch kotestai tiemutikab poror chekatoigei eng betutab rani ama eng kaimutiet age tugul.

Eng logoiyot nekakiyokchi ketesioni,komwa ofisaiyat neo eng kipagengeinatak Carole Kariuki kole nyalu kikoch kipsomaninikab emoni poroindo nekararan nebo koyai tiemutik ak kou noto konyalu keriib kalyet.

Kamwa Kariuki kole maiyoni kipagengeitab Kepsa kurset age tugul nebo keyai kambaget eng mwaet kole wechei noto Uchumi nebo emet.

Kanerekchi kipagengeitab Kepsa chemarget nekobit eng komaswek cheterter chebo emoni cheboto Nairobi, Kisumu, Bungoma ak Migori eng eng mwaet kole kokowech mungaret eng komaswekchoto.

Kasom Kairuki kandoik tugul chebo emoni kotoi tetutik chebo kochomio biikab emet ak koamda kalyet asi matestai kopcheaak emet.

Akot kou noto ko kamokchi Kariuki kit age tugul nemie kipsomaninik chesitei Million 1 chetesetai ak tiemutikab KCPE.