KCSE kicks off countrywide

 

Katoigei eng karonetab rani tiemutikab poror chebo KCSE eng emet komugul.

Katoigei tiemutikchoto eng sait oeng nebo karon ole yoei tiemutikchoto kipsomaninik chesirei 600,000.

Kakitounee tiemutik chebo Maths Paper 1 eng sait oeng nebo karon ak kosub tiemutik chebo Chemistry Paper 1 eng sait mut nebo karon.

Kaindochi ofisaek cheechen chebo serkali tetutiet nebo roptaetab kartasishekab tiemutik kondochini Minister nebo somanet Dr Fred Matiangi eng Sub-Counties cheterter.

Kabaorienchi Dr Matiangi yatetab Container nekikonoren tiemutik eng ofitab County Commissioner nebo Kericho ole kamwa kole kokoib serkali kakwoutik chekimen chetokchinigei koker kole kakiisto yautik chebo ngolset ak yautik alak eng tiemutik.

Karutechi Dr Matiangi sukulishek cheterter eng County nebo Kericho ole kaiyomis kole kiyoei tiemutikchoto eng oret nemamitei ngolset asi kenyor walutik cheiyonoksei.

Kabotogei Matiangi ak Minister nebo kimnotoshek Charles Keter ak Regional Coordinator nebo Rift Valley Wanyama Musyambo eng kwenutab kandoik alak chekacheer kipsomaninik koyangei ak koyai tiemutikchoto eng kakiletabgei.

Eng kasaratak komitei ofisaiyat neo nebo Teachers Service Commission Nancy Macharia County nebo Uasin Gishu kochigili ole testoi tai tiemutikchoto.

Ends////