Diaspora cash transfers increase by over a fifth

Kolany kaitetab rabisiek chekoiyok biikab emoni chemitei eng ematinwekab sang koite let nebo arawetab 9 akoi  silingisiek billion 18.25 ne notok  ko kaitet nemitei barak  ngekeirchin ak kenyitab 2016.

Nitok kokosupgei ak report nekaimong benkit neo eng emet nebo   CBK  nekamwa kole eng kasartab lewenisiet eng emoni ko kiimuch koyok  biikab emoni chemitei ematinwekab sang   silingisiek billion 3.41 che chotok ko kaitet nemitei barak eng kebeberta 22.98% chebo  rabisiek chekiyok biikab emoni kobun ematinwekab sang eng arawetab 9.

kates koaror report nebo CBK kole koek arawetab 8  arawet nekoiyok changindab  biikab emoni chemitei  ematinwekab sang chekoiyok rabisiek  ole kotelelei kaitetab silingisiek  billion 17.25  ngekerchin ak silingisiek billion 16.74 chebo  arawetab  9.

Kamwa governor nebo benkit neo eng emet nebo CBK  Patrick Njoroge kole kosupgei ak kaitetab rabisiek chemitei barak chekokiyok kobun ematinwekab sang kokoyai notok kotaret eng oleo kimnatetab silingitab Kenya.

Kokotestai kobet kimnatet silingitab Kenya ngekerchin ak dollar eng kaitetab kebebeerta  1.1 4%.

Isuldae  benkit neo eng emet  chikilisietab irabisiek chekiyaku kobun ematinw ekab sang eng benkisiekab emoni ak kibagengeisiek alak cheterter.