Sonko challenges his new Cabinet to deliver

 

Kakokoito kurset Governor nebo Nairobi County Mike Sonko eng CECs chechiket kokilchigei poishonikwai chetokchinigei koib walet ak bandaptai eng county nebo Nairobi

Kongololi eng igorta nekakimurtoi bichotok kokilewen koek CECs, ko kamwa Sonko kole makat eng ofisaechatak kosub ngotutik tugul chemokotin ak koistoegei youtik alak tugul chemoiyonotin.

Kamwa Sonko kole tingee komongunet neo CECs chotok 10 eng mwaet kole wendi kopoishei eng kipakenge ak icheget eng ibunetab walet ne makat kobit eng kebeberwek cheterter chebo taonitab Nairobi

Alak eng bichotok kokilewen kondochi Departments cheterter koboto Charles Kerich nebo ICT, Larry Wambua nebo Devolution, Danvas Makori nebo kobotishet, Peter Njuguna nebo imbaronik, Janet Ouko nebo somanet, Mohammed Dagane nebo ortinwek ak teksoshek, Hitab Majevdia nebo tililindo ak konyoiset, Emmah Muthoni nebo ribetab itonwekab emet, Allan Esabwa nebo mungaret, ak Vesca Kangogo nebo Finance and Planning.