KCSE exam managers and candidates caught in a cheating crackdown

 

Kakomwa kipagengeitab tyemutik nebo  Kenya National Examinations Council (KNEC) kole kokonyor kipagengeinoto yautik cheitei 5 eng tyemutikab KCSE chetesetai eng inguni eng emet.

Eng logoiyot kobun nebo ngecheret eng KNEC  George Magoha ko eng agenge eng ketesiosiek chekiyoen tyemutikchoto ko ko kokinyor alake eng biik chetononjin tyemutikchoto kotyeme koyat tyemutik komait kasarta nemagat.

Kamwa KNEC kora kole kokinyor kipsomaniat agenge mnebo sukulitab Our Lady of Mercy nemiten komosta nebo Shauri Moyo kotindoi simoit eng kasarta nekotesetai tyemutikchoto ak kou noto kotetat kiit ine kapkirwok eng betutab karon Jumatatu.

Alake eng yautikchoto kamwa KNEC koboto nebo sukulitab St Theresa Bikeke Secondary School eng Trans Nzoia ole kokinyor konetindetab Chemistry eng sukulitnoto ko kaiyokchi tyemutikchoto konetindet ne o eng sukulit agenge nemiten eng county nebo Elgeiyo Marakwet.

Akot kou noto ko kamwa Prof. Magoha kole ngandan kobiit yautikchoto ko kokimuch keteer komaletagei tyemutikchoto kotomo koyai kipsomaninik.

Tesentai koyoe