Mutahi Kahiga to be sworn in as Nyeri governor today

 

Tetat kimurto eng betutab rani Deputy Governor nebo Nyeri county Mutahi Kahiga koek Governor nelel nebo county inotok

Kimurtoi inendet kotoi kondochi county inotok ko Governor kosupgei ak sirtoetab neko Governor Dr. Wahome Gakuru nekoibet sobenyi eng nyosutyetab oret nekobit eng komasta nebo Muranga.

Komwa Kahiga kole komochei kimurto inendet kokakekonor bortab Governor Wahome kobate kosupgei ak katikonet nebo ngotutik nekanyor kobun ogilyek, ko katil kimurto inendet koek Governor eng betutab rani

Kimurtoi inendet eng sait 2pm nebo bet eng igorta ne tetat keyai eng sang nebo ofisitab Governor nemitei taonitab Nyeri

Eng kasaratak ko komwa Mutahi kole moistoi eng poishet CECs chekokakolewen Governor Wahome eng mwaet kole tinge icheget komongunet neo kole bendi kosuldoe poishonik chebo bandaptai chekomochei Dr. Wahome Gakuru kisuldae