Lawmakers vet DPP nominee Noordin Haji

 

Kakiyochi chikilishet nenaat kou vetting Noordin Haji Mohammed nekokilewen koek Director neindochini kirwogutikab poror anan Director of Public Prosecution (DPP) asi kenai angotkonyalu kikoch poroinoto.

Kaindochi chikilisionoto  Committee nebo Justice and Legal Affairs Committee eng bunge nebo National Assembly neindochin MP nebo Baringo North William Cheptumo.

Kanyor kasarta newui Noordin yekangowolu tebutik kobun membaekab Committee noto chekamochei konai kit newendi koyoei angotkikoch poroinoto.

Kakitepsee kora Noordin kotinygei ak angotkomuchi kosuldae poishenyi eng oret netagunot ama eng chutchinet age tugul ole kamwa kole wendi kopoisien naet ak somanet netindoi koib walet nemagat eng ofisitab DPP.

Kolewen President Uhuru Kenyatta Haji ne inendet ko rubeiywotab Director eng kipagengeitab National Intelligence Service (NIS) ak kokoito kainenyi kwo bunge asi keyochi chikilishet.

Tetat kora ketepsee biik alak 5 chekolewen President Kenyatta koek Principal Secretaries cheboto John Morangi, Alfred Cheruiyot, Jerome Ochieng’, Harry Kimtai ak Susan Koech.

Eng kasaratak ko tetat kochigil Committee nebo Defence and Foreign Relations Committee eng bungeinoto bo National Assembly biik alak 4 chekokilewen koek Ambassadors eng emotinwek cheterter.