Nyenze’s widow casts vote, says Kitui West mini-poll smooth

Kakopir kura Edith Nyenze,ne 1 eng kabelik cheibelchinigei ngecheretab MP eng lewenishet nemining netesetai eng kebebertab bunge nebo Kitui West.

Kapir kura Edith eng sukulitab primary nebo Kyondoni Primary School eng saishekab karon.

Kongololi yekangobata kopirei kura nenyi,koloos Edith Kipagengeitab lewenishet nebo IEBC kosupkei ak nekotet lewenisionoto eng oret nemie.

Kamwa Edith kole tesetai komie lewenisionoto akot ingandan mitei ingony koitetab biikab chakakomongei kopir kura eng lewenisionoto.

Akot kou noto ko kamwa Edith kole tindoi kayanet kole bendi komongugei biik chechang ak kopir kura eng lewenisionoto.

Kapir kura akine Robert Mutiso neibelchinigei poroinoto eng tikititab Narc-Kenya eng lewenisionoto katoigei eng sait 6.30am.

Kabelik alak cheibelchinigei poroinoto koboto Elijah Kilonzi nebo Chama Cha Mapinduzi, Hannington Mbiti nebo Muungano Party ak Frida Mutwii nebo Kenya National Congress.

Mitei barak ripsetab kalyet eng ketesioshek tugul chekipiren kura eng komasatak.

Tindoi Constituency noto bo Kitui West biik 52,042 chekisirgei koek piriikab kura.

Kinget buch poroinoto kosupkei ak meetab neki MP nebo komasatak Francis Nyenze nekiibet sobenyi eng arawetab 12 kenyit konye.