Ruto likely to lead Kenya, new survey shows

Iboru chigilishet nekoyai kipakengeitab Ipsos Synovate kole ndakiyoei lewenishetab President eng betutab rani kobelishei Deputy President William Ruto

Kaibor chigilishonok kole bik kebeberta 30 eng 100 kobwoti kole tinyei boroindo neo Ruto koek President nebo emoni ngekerchin ak kandoik alak chetinyei maketab kobelchigei ngecheretab President.

Kosupgei ak wolutichotok kaibarasta ofisaiyat neo nebo kipakengeitab Ipsos Synovate Tom Wolf, ko kaek number 2 Senator nebo Baringo Gideon Moi ak Governor nebo Mombasa Ali Hassan Joho eng kebeberta 14 eng 100.

Kosupgei ak Wolf, ko nganda tomo kenai angot kobelchinigei ngecheretab President kandoindetab NASA Raila Odinga, ko kamwa kebeberta nebo 14 eng 100 kole ikochini inendet kasubet kelewen koek President nebo emoni eng lewenishet nebo kenyitab 2022

Eng kasaratak ko kaibor chigilishonotok kole kandoindet nebo chamaitab ANC Musalia Mudavadi kotinyei kasubet kobun kebeberta 8 eng 100 nebo bikab emet ngekerchin ak kandoindetab Wiper Kalonzo Musoka ak Governor nebo Machakos Dr. Alfred Mutua chekanyor kebeberta 6 eng 100