Opposition leaders fault govt over deportation of Miguna

Kakobor kaimetabgei kandoik chebo chamaitab ODM kosupgei ak kokwoutyet nekaib serkali kowekta eng kimnotet ogilyot Miguna Miguna kowo komasta nebo Dubai

Kondochini nebo ngecheret eng chamaitab ODM John Mbadi, ko kamwa kandoichotok kole nyolu eng serkali kokonyit ngotutyet nekokon kapkirwok kole kityakta Miguna ak kechomchi kochut emoni.

Kamwa Mbadi kole ndakokalel Miguna kou ole mwoitoi serkali, ko ko nyolu kimut inendet kowo kapkirwok asikirwokchi kobate ma kimut kowo emet age nebo sang

Kaibor kaimetabgei kora kandoichotok kosupgei ak kanyalilet ne mwaat kele konyor Miguna eng eunekab police eng kasarta nekokimuti inendet eng kimnotet neo kotokchigei komasta nebo Dubai

Kosupgei ak kandoichotok kole angot kosubi ngotutik serkalitab Jubilee ko nyolu kenam ofisaechatak bo police ak kirwokchi kotinygei ak lelutinotok eng mwaet kole kongemchi Miguna imandanyi nebo kochut emet nekikisikchini, ne notok ko emetab Kenya.