ITEN-KABARNET Road cut off by mudslides

Mabunoksei oret nebo Iten-Kabarnet Road kosupkei ak nekatuuch nyungunyeek oranatak eng komasta nebo Kamok eng yenegite Kolol Center kosupkei ak ropta neo nekorobon koeech.

Kosupkei ak noto ko kakokoito kurset kebeberta netelelchini ortinwek eng serkalitab County nebo Elgeiyo/Marakwet eng ketiikab karishek kopoisie oret age koit ole bendi.

Akot kou noto kotesetai tetutik chebo keisto nyungunyekchatak kaker oret asi kowegei tetutikab loiset eng oranatak.

Kabit nito eng kasarta netesetai koimoksei tetutikab loiset eng oret neo nebo Kitale-Lodwar- South Sudan Highway yekangongiirta beek eng oinoshek 7 ak korongchigei oranatak.

Kokokon kateunet kipagengeit nechigili itonwekab emet nebo Meteorological Department kole tesetai ropta neo akoi arawetab 6.