Speaker Lusaka urges quick cash disbursements to counties

Kakokoito kurset Speaker nebo Senate Ken Lusaka eng serkalitab emoni koker kole kakityakta eng kasarta ne makat rabinik chekikoitoi koba serkalishekab county

Kamwa Lusaka kole eng kasarwek chechang kochang koimutik che nyoru counties kosupgei ak serkalitab emoni neibei kasarta nekoi kotomo kotyaka rabinichata

Kongololi eng tuiyetab kenyini nebo Legislative Summit netesetai eng taonitab Mombasa, ko kamwa Lusaka kole nyolu kora eng serkalishekab county koker koikilchigei poishonik chebo kayumetab aisurushek asikotoret icheget eng kasarta neikonyi rabinik kobun serkali neo

Kapoishe kasaratak Lusaka kokoito kurset eng county assemblies tugul 47 koker kole kachigil poishetab rabinik eng counties chekwai asimabetyo rabinik che nyolu kepoishe eng tetutik chetoreti bikab emet

Kangong Lusaka kole wendi bunge nebo Senate kosirtoi ngotutik chebo County Pensions Bill ak  Ward Development Fund eng mwaet kole mochutyini eng oret age tugul ngotutichotok poishonikab county asseembly, mising ko poishonik chetinyegei ak chobetab budget