Sonko says he does not need the state security

Kakomwa Governor nebo Nairobi Mike Mbuvi Sonko kole manyoru kamuiset age tugul kobun biik chemaboiboichini poishonikchik anan Cartels chekokotestai koiim inendet.

Kongololi eng sautikab Jumapili chekakiyai eng kaniset 1 nemitei komasta nebo Njiru eng County nebo Nairobi eng kasarta nekawegei Nairobi kongete County nebo Machakos ole koyoeen poishet,komwa Sonko kole wendi kosuldoe poishenyi ama eng kaiyweishet eng mwaet kole tindoi tiliandit nemie ak MCAs tugul chebo Nairobi.

Akot kou noto komwa Sonko kole itiagat serkali kowekta ribiik 5 anan Body Gourds chekoikoch inendet eng mwaet kole mamochei ribiikchoto.

Koichuchuch serkali ribiik chekoribei Sonko kongete 26 akoi 5 kit nemaboibochi inendet.

Kaikimit Sonko kole mayai lelut age tugul yekingolewen Miguna Miguna koek rubeiywonyi ak kou noto komanyalu kerirtae inendet.

Kabotogei Sonko ak MCAs chebo Nairobi chesirei 100 chekamwa kole manyalu keiim Sonko eng mwaet kole nyalu kekoch inendet poroindo nebo kosuldae kayomisutik chekiikoch mengikab Nairobi eng kasarta nekibo Campaigns.