Teleletab Kandoikab North Rift

Kayai tuiyet kandoik cheterter chebo North Rift ak kobotik eng taonitab Eldoret asikongalale kotinygei ak koimutik chekokotestai koityi kobotikab bandek

 

Eng tuiyonotok kaindochi Governor nebo Uasin Gishu Jackson Mandago ak Senator Margaret Kamar koboto MPs cheterter, ko kakikoito kurset koityi President Uhuru Kenyatta kochutyi ak koker kole kakiliban kobotik chekiikoito bandekwai koba cereal, ak keipchi kokwoutik chekimen bik tugul chekotinygei ak asoya nekokotestai koityi kipakengeitab National Cereals and Produce Board ole kamwa kandoichotok kole nyolu kengong kainaik chebo bik tugul chekotinygei ak youtichotok.

Kaibor kaimetabgei MPs cheboto Alfred Keter nebo Nandi Hills ak Silas Tiren nebo Moiben kotinygei ak youtik chebo nametab asoya chekobit eng cereal eng mwaet kole bik chetinyegei ak youtichotok ko bik chekimakomochei kelewen icheget kondochi committees cheterter chebo bunge cheboto Committee nebo kobotishet.