Tetat kokon eng raini ngalalet kipagengeitab Council of Governors kotinygei ak ole u tetutietab devolution

Tetat kokon eng raini ngalalet kipagengeitab Council of Governors kotinygei ak ole u tetutietab devolution anan state of devolution address ne noto ko netai kokaibata lewenisiet nebo kenyit nekosirtoi.

Wendi kokonu ngalalanoto nebo ngecheret eng Council Of Governors Josphat Nanok ne ine kora ko gavana nebo Turkana ole tetat kongalalen kotinygei ak kasuldaetab tetutionoto bo devolution eng kenyitab 2017-2018.

Eng ngalaletnyin nebo ole u devolution eng kenyit nekosirtoi ko kimwa nebo ngecheret eng council of gavanas eng kasarata Peter Munya kole miten kanogutik cheterter eng kasuldaetab tetutionoto bo devolution.

Bitu nito eng kasarta nekomwa minister nebo devolution Eugene Wamalwa kole tesetai Mps chebo emoni kochikili asikeyochi wallet alake eng ngatutik chetinyegei ak devolution eng emoni eng mwaet kole ngandan kikomuch tetutionoto kosulda eng ole o ko miten alake eng ngatutik chenyolu keyochi wallet asikosulda tetutionoto eng kotugul.

Alake eng ngatutikchoto koboto County Government Act, 2012 ak Intergovernmental Relations Act, 2012 ak tokyingei kokanapta tilyandit nemie eng yaetab poisionik eng serkalit ne o ak serkalisiekab counties.