Riots spark after structures around Moi Girls demolished

 

Kaketoi kebut dukoshek ak korik chebo mungaret eng olenegite sukulitab tibik nebo Moi Girls School, Nairobi eng tokchinetab kekimit ripset eng sukulinotok kokotestai koityi koimutik cheboto nyerset

Kait kopoishe police koristo ne ngwan nebo teargas koser bikab emet chekaimongei ak koyai kambaget eng komasta nebo Kibera koeshoi butetab korichotok

Kabit nito eng kasarta nekokeker sukulinotok eng kasarta nebo wikit 1 asikotestai chigilishet kotinygei ak kipsomaniat 1 nekokinyere eng sukulinotok eng weekend nekosirtoi

Kosupgei ak OCPD nebo Kilimani Michael Muchiri, kotesetai chigilishet nebo barak asikenai bik chekotinygei ak youtionotok kokon ngoiyondit neo kot koit keker sukulinotok

Mwaat kele unyegei choric ak kiplelutinik alak korichotok eng kasarta nemochei kochut sukulinotok bo Moi Girls asikosuldae youtik chemoiyonotin

Kabit nito eng kasarta nekamwa kipakengeitab konetik nebo Kenya National Union of Teachers kole makat kinde sukulishek tugul chebo boarding cameraishek chebo CCTV asikimuch kekirinda youtik chebo nyerset komatestai kobit