Kakoit emoni konyoik 50 eng konyoik tugul 100 chebwonei emoni asi kontoret eng tetutik chebo kanyoiset.

Kakoit emoni konyoik 50 eng konyoik tugul 100 chebwonei emoni asi kontoret eng tetutik chebo kanyoiset.

Kachoorgei ndegeit nekaimutu kayoikchoto 50 eng kiwanjetab ndegeishek nebo JKIA eng kembout nekaekchini rani ole kanyor tokseet kobun Governor nebo Kisumu Prof Anyang Nyongo.

Kimongu koit emoni kebeberta nebo 2 nebo konyoik 50 eng kemboutab betutab mutai Thursday.

Tetat kepcheita konyoikchoto koba counties tugul 47 asi kotoret eng kanaptaetab kanyoiset.

Kanyoikchoto bwonei koboto Nephrologists 5, Radiologists 3, Plastic Surgeons, Orthopedic Surgeons ak Neurologists.

Kait kanyoikchoto eng kasarta nemitei terchinet kotinygei ak kakwoutiet nekiib serkali koomut kayoikchoto kobwa emoni ole kokotestai koesio kakwoutik kipagengeitab Kenya Medical Practitioners, Pharmacists and Dentist Union (KMPDU) kobun sirindet neo Dr Ouma Oluga eng mwaet kole makiyai ngalalet amakiib kakwoutionoto.

Akot kou noto komwoei Minister nebo tililindo Cecily Kariuki kole bendi kanyoikchoto kokoitoi kayoiset newuui kenyor eng nyumnyumindo eng tokchinetab kekanapta kanyoiset eng emoni.